Inghjochi sucetali è ambientali

Fà pè u territoriu.

Sò parechji i duminii duv’ella s’impegna l’Università di Corsica: ci si travaglia nantu à quistione d’ambiu ,di dirittu, d’ecunumia di tecnulugia…Sta pagina chì presenta qualchì azione in giru à 3 tematiche forte in Corsica , ùn hà vucazione à esse esaustiva ma à illustrà a dimerchja di l’Università di Corsica. In u listessu modu, un impegnu territuriale ùn hè propiu da oppone à un’apertura internaziunale. I travagli è sperimentazione purtate da l’Università di Corsica sò destinati à esse riprudutti è utili per altri spazii, isulani, mediterranei è al di là.

Lingua corsa.

L’Università di Corsica intratene un’avvicinanza aperta di l’identità Corsa. U so impegnu per accumpagnà u prucessu di cooficialisazione di e lingue francesa è corsa hè liatu di modu direttu à l’idea d’un prugettu d’avvene pluri linguisticu per l’Università, cauzione  d’iscrizzione obbiettiva in u mondu attuale.

Furmazione di giurnalisti cursofoni, cunferenze è dibattiti, appiicazione smartphone, dvd educativi “In Corsu +”, cuncorsu “Lingua azzione 24”, participazione à a “Festa di a Lingua”, festivali… L’Università di Corsica prupone una varietà impurtante d’azzione chì cuntribuiscenu à a vivacità a lingua corsa. Si volenu st’azzione aperte assai : toccanu tutti i duminii è tutti i publichi : sculari, studienti, grande publicu, spezialisti…

In senu à a so offerta di furmazione, l’Università di Corsica prupone una Licenza di lingue, literature è civilisazione stangere è regiunale Percorsu Corsu et un Master Lingua è cultura corse in senu à l’UFR Lettere, Lingue, Arte, Scenze Umane è Suciale. A so Scola Superiore di u Prufessuratu è di l’educazione forma prufessori di e scole bislingue et des prufessori di lingua corsa.

L’avvicinanza di l’Università di Corsica nantu à sta quistione ùn hè dugmatica. Hè viva, plurale, aperta à u dibattitu è à i scambii. Cum’ella hè a lingua corsa.

Sviluppu duratoghju.

Unu di l’ 8 prugetti strutturenti di Ricerche di l’Università di Corsica hà cum’è intitulatu “Dinamica di i territorii è di u sviluppu duratoghju“. Hà cum’è finalità di cuntribuisce à u migliurà di e pulitiche di sviluppu duratoghju. I so travagli portanu più precisamente nantu à e debulezze è e cundizione di sustenibilità di u sviluppu di i territorii isulani, particularmente mediterranei. Si tratta più precisamente di « turisimu sustenibile », sugettu maiò in Corsica, à traversu a messa in piazza d’indicatori , di studii cumparativi è di prugetti operaziunali di sviluppu turisticu sustenibile.

A creazione di a piattaforma STELLA MARE (CNRS / Università di Corsica) in u 2011 hè un esempiu ripresentativu di l’azzione di l’ »Università di Corsica in u duminiu di u sviluppu duratoghju. U so obbiettivu, di fatti, hè di purtà suluzione cuncrete à e prublematiche di i prufessiunali di u mare, è di armunizà a splutera ottimale è a prutezzione di e risolse naturale marine. Cù l’arnesi di l’ingenieria ecologica, issa struttura prumove l’acquacultura duratoghja è a pesca rispunsevule in cullaburazione diretta cù i piscatori, acquacultori è gestiunarii di l’ambiu.

Salute.

L’Università di Corsica hà apertu in u 2004  una prima annata di Medicina (PACES), chì permette ogni annu à 200 studienti d’appruntà issu cuncorsu esigente in cundizione ottime. Un mezu di firmà si in Corsica è di risparmià dificultà à tempu finenziarie è suciale. I studienti ricevuti prusseguenu i so studii di medicina, dentare, maiotica, farmacia o chinesiterapia in un’Università partenaria (Parigi Descartes, Parigi Diderot, Ecchisi-Marseglia è Nizza Sophia Antipolis). L’Università di Corsica hà messu in piazza in u 2007, cun l’URML di Corsica (Unione regiunale di i medichi liberali) , l’Università di Nizza è di Marseglia , è cù a participazione di a CTC è di i Cunsigli Generali di Corsica Suprana è Corsica Suttana, un prugettu di sviluppu di i stasgi obligatorii o facultativi di terzu ciculu di studii medicali cun Maestri di stasgiu corsi. Stu dispusitivu vole favurizà l’impiantu di medichi generalisti in Corsica, mirendu l’interni esciuti da a PACES di l’Università di Corsica. Da a so messa in piazza, sò quasi 150 interni chì anu pussutu fà u so stasgiu in Corsica trà u 2007 è u 2016.

Da u 2005, l’Università di Corsica è l’Inserm nu dutatu a rete “Sentinelles” (creata da l’Università Pierre et Marie Curie) di un’antenna in Corsica. L’antenne regiunale di a rete “Sentinelles” permettenu di rinfurzà i studii naziunali, ad esempiu, assucendu di modu più direttu i medichi lucali. St’impegnu si traduce dinù ogni annu cun Grippenet, un studiu chì cura l’evuluzione di l’influenza, à u quale tutt’ognunu hè cunviatu à participà direttamente in ligna. A sensibilisazione cunsequente cundutta in Corsica permette à a Regione d’esse quella più mubilizata di Francia di pettu à a so pupulazione.

Di modu più generale, l’Università di Corsica cullabureghja spessu cun l’attori cum’è A lega contru à u cancheru pè a messa in ballu d’operazione di sensibilisazione, ghjurnate d’iscambiu , ecc.