Title Image

Identità & patrimoniu

Cunnosce è ricunnosce.

Dopu à un’esistenza corta trà u 1765 è u  1769, u periodu di (ri )apertura  di l’Università di Corica in u 1981 custituisce à ella sola  una simbolica forte di pettu à l’identità  è à a cultura. Più di trent’anni dopu, st’orientazione, hè sempre cusì forte.  Si tratta di cunnosce u patrimoniu di a Corsica, ch’ellu sia materiale o immateriale  è trae ne una dinamica d’insignamenti, di ricerca, d’innuvazione è di creatività in senu à l’Università, à u serviziu  di a Corsica è al di là. L’Università di Corsica cultiveghja di fatti un’avicinanza aperta  di l’identità Corsa. A più meridiunale di l’Università francese, à u core di u mondu mediterraniu, face vede una diversità culturale pigliata à contu soiu , fonte d’apertura.

Patrimoniu culturale è custruitu.

Lingua corsa

A filiera Studii Corsi ( chì si tene una licence è un master) hè stata messa in piazza subitu aperta l’Università in u 1981. Hà inghjennatu diplumati parechji, spezialisti di lingua è/o di patrimoniu corsi chì custituiscenu oghje, ad esempiu, l’attori principali di l’insignamentu di a lingua è di a cultura corse in i stabilimenti sculari in Corsica.

A lingua corsa cunnosce variatezze secondu i rughjoni. Diversità faci ricchezza, l’Università di Corsica pruponi un lessicu francesi / corsu, accessibile in ligna, chì hà cum’è particularità d’allistinà e variatezze lucale di unepoche di parolle. L’originalità di sta banca di dati di a lingua corsa hè quella d’arrimbà si à fonte d’infurmazione à bocca, via un’inchiesta di terrenu cun lucutori cursofoni nativi. Stu prugramma riponi à nantu à una cullaborazioni Università di Corsica / CNRS / Cullittività Tarrituriali di Corsica. Si sviluppa oghji in u quadru di u Laburatoriu Lochi, Identità, Spaziu è Attività (CNRS / Università di Corsica).

Projet Identités, cultures : les processus de patrimonialisation

Mediateca Culturale di a Corsica è di i Corsi (M3C)

A M3C mette à dispusizione di tutt’ognunu più di 5 000 ducumenti d’ogni genneru (libri, filmi, ritratti…) relativi à a Corsica d’eri è d’oghje, cullettati da i nostri circatori è ingenieri.

Participeghja in stu modu à u sviluppu è à l’insignamentu di a lingua è di a cultura corse, à a prutezzione di i fondi culturali di a Corsica o puru à a valurisazione di u patrimoniu archeologicu, storicu, literariu è di u paisaggiu di a Corsica.

Sta basa di dati hè accessibile via una mediateca in ligna, aperta à tutt’ognunu è di gratisi nantu à m3c.universita.corsica.

Fondu Corsu di a bibliuteca universitaria

Bellissimu cumplementu di a Mediateca Culturale di a Corsica è di i Corsi, u fondu regiunale di a bibliuteca universitaria dà accessu à più di 5 000 libri, più di 950 tese o memorii, più di 1 000 libraccioli, 175 tituli di periodichi è tante partizione. U libru più vechju à dispusizione in a Bibliuteca, La Historia di Corsica nella quale si narrano tutte le cose seguite dache si comincio habitare, hè di u 1594 !

Ammanitu à un publicu generalistu o di più spezializatu, u Fondu Corsu , cum’è l’inseme di a Bibliuteca hè apertu di modu gratisi. In partenariatu cù a Bibliuteca di Francia, una parte di u nostru Fondu patrimuniale regiunale hè dispunibile in ligna via Gallica.

Projet Identités, cultures : les processus de patrimonialisation

Inventariu di u patrimoniu custruitu in Corsica

En 2013-2014, l’Università di Corsica, in partenariatu cun a Cullettività Territuriale di Corsica, hà fattu un travagliu impurtente d’inventariu di u patrimoniu custruitu in Corsica. U studiu di 135 comune hà permessu a realisazione di de 6 660 schedati d’inventariu illustrati da à pocu pressu 50 000 ritratti !

St’inventariu hà permessu d’offre una vista d’inseme di e caratteristiche architetturale di l’aghje di studii liate à u so cuntestu storicu, economicu è geologicu. Prugetti di valurisazione di u patrimoniu sò dinù stati imaginati cum’è a creazione di una cascetta di ghjochi.

I risultati di st’inventariu sò stati presentati via una mostra itinerente in Corsica. Sò oramai accessibili in ligna cù a Mediateca Culturale di a Corsica è di i Corsi è a basa di dati naziunale Mérimée.

Cultura

A sparghjera di a cultura hè un penseru maiò di l’Università di Corsica. À u centru di u dispusitivu, a prugrammazione culturale di u Spaziu universitariu Natale Luciani cù i so 50 appuntamenti à l’annu : cuncerti, teatru, cunferenze. Ste manifestazione sò aperte à tutti è pruposte cun costi attrattivi assai (entrata gratisi pè i studienti, 10€ pè u publicu) è dispunibile in aghjustamentu video.

Un gruppu musicale custituitu di studienti è sustenutu da l’Università , A Pasqualina, hè statu creatu. Tramanda e paghjelle, u cantu pulifonicu tradiziunale corsu classificatu oghje da l’UNESCO à u patrimoniu culturale immateriale di l’umanità.

Ogni annu, l’Università di Corsica partricipeghja à e ghjurnate naziunale di l’Arte è di a Cultura ind’è l’insignamentu Superiore. Arte Plastica, audiovisivu, musica, ballu, sinemà… Ste ghjurnate mettenu in lume a diversità di l’offerta culturale è artistica di l’Università di Corsica. Cunferenze permettenu dinù di scambià di pettu à a piazza data à l’arte è à a cultura in Corsica.

Sportu.

Museu virtuale di u football bastiacciu

In u quatru di un’operazione interministeriale dadicata à l’Euro 2016, a cità di Bastia è l’Università di Corsica anu creatu un museu virtuale in giru à a passione di u football in Bastia. Una culletta publica hà accoltu più di 300 persone permettendu di riunisce quasi 800 pezze numerizate (banderette, sciarpe, magliette…) è una cinquantina di testimugnanze. Una selezzione di pezze serà messa à dispusizione di u Museu Naziunale di a Rete Joconde di u Ministeru di a Cultura.

Per visità u Museu Virtuale di u Football Bastiacciu, andate nantu à musee-foot.bastia.corsica.

 

Partenaria di u Restonica trail

Arradicata in u so territoriu è impegnata in u sviluppu sucio-economicu di l’isula, l’Unoiversità di Corsica hè partenaria di u “Restonica Trail” , corsa maiò chì trascina più di 600 participanti ogni annu in Corsica. Al di là di u sustegnu prumuziunale è logisticu, una cullaburazione più larga nantu à u tema di i Sporti di natura si traducerà prestu cù l’organisazione cullegata di un Salone.

En poursuivant votre navigation sur ce site, vous acceptez notre politique de confidentialité et l’utilisation de cookies. En savoir plus et gérer ces paramètres.