L’Università di Corsica hè membru fundatore d’un campus euro-mediterraniu custituitu da l’Università di Nizza Sophia Antipolis, Sud Toulon Var, Parigi VI, Pisa, Turinu è Genuva. Hà creatu dinù a Rete d’Eccelenza di i territorii isulani (RETI), chì adunisce oghjeghjornu 27 università. Aderisce dinù à parechje rete naziunale è internaziunale maiò.
Ritruvate tutta l’attualità di a Ricerca di l’Università di Corsica nantu à u purtone dedicatu,
https://ricerca.universita.corsica
RETI – Rete d’eccelenza di i Territorii Isulani.Creendu in u 2010 a rete RETI, l’Università di Corsica offre à l’universitarii un spaziu di scambiu, ma dinù un’organisazione è una logistica capace d’aiutà li à incuntrà si , à mette in ballu prugetti cumuni è à valurizà u più pussibile i so travagli è a so riflessione.
S’ella trova e so radiche l’esistenza di sta rete in a fede di unepochi di piunieri, u prugettu attuale, purtatu da l’istituzione, li vole dà una rinomina larga, di modu à fà esce l’insularità di a marginalità.
A RETI conta oghje 27 membri.
L’Università di Corsica hà raghjuntu di settembre di u 2013 a rete Téthys.
Creata in u 2000, Téthys faciliteghja i scambii culturali è scentifichi in u spaziu Euro-Méditerraniu. Vole particularmente favurizà a cuuperazione trà di paesi euro-méditerranii per via di a spartera di i sapè, l’armunisazione di e cunniscenze è u scambiu di e culture. Rende pussibile azzione in rete di dimensione impurtente cù u sustegnu di prugrammi naziunali è eurupei.
A rete riunisce più di 80 università originarie da una vintina di paesi di u Maghreb, di u Mashrek è di u Sud di l’Europa.
I laburatorii “Scenze Per l’Ambiu” è “Lochi, Identità, Spazii è Attività” sò membri di l’Osservatoriu Omi-Ambii “Liturale Mediteraniu”.
Ist’Osservatoriu studia l’urbanisazione è l’antropisazione custiera in u Mediterraniu interessendu si à 4 systemi socio-ecologichi liturali sottumessi di modu paru à l’artificialisazione è à e frequentazione turistiche è ricreative. Trà e zone studiate : e sponde corse di Balagna è di u sud di Bastia.
U laburatoriu Lochi, Identità, Spaziu è Attività (CNRS / Università di Corsica) hè membru di a Casa di e Scenze di l’Omu è di a Sucetà Sud-Este.
Creata di ghjennaghju 2013, a MSHS Sud-Est associa 9 laburatorii di ricerca.
Favurizeghja l’animazione interdisciplinaria in Scenze Humane è Suciale (SHS) è dinù trà SHS è altri settori (scenze, STIC, medecina) in giru à quattru assi di ricerca : cugnizione è cuuperazione; TIC, usi è cumunutà ; l’Europa è i so Altri; territorii, sistemi tecnichi è usi suciali.
