MYRTE

Piattaforma di Ricerca in energetica

Ammansà l’energia sulare.

I prugrammi MYRTE è PAGLIA ORBA di l’Università di Corsica -CNRS, sò stabiliti à u Centru di Studii Scentificu Georges Peri di Vignola, vicinu à Aiacciu.

E ricerche fatte nantu à a piattaforma MYRTE, purtate da l’Università di Corsica, u CNRS, AREVA AREVA Stockage d’Energie è u CEA, sò cunsacrate à a pruduzione è à l’ammansera d’energia à parte si di a radiazione sulare. U scopu hè di restituisce iss’energia in a rete elettrica durente i periodi di cunsumu cutidianu forte o pè parà e i cambiamenti subitagni di putenza prudutta da a centrale fottovultaica.

 

Di pettu à quessa, l’obbiettivu di a piattaforma hè di pruduce è d’ammansà l’energia via una catena Idrogena. Quessa hè cumposta d’un elettrolizore, chì pruduce, durente l’ore di cunsumu debule, idrogenu è ossigenu à parte si di a molecula d’acqua.

Iss’energia hè in seguitu restituita via una pila cumbustibile, chì ricundiziuneghja l’idrogenu è l’ossigenu in acqua è pruduce elettricità nantu à a rete, ad esempiu durente l’ore di cunsumu forte, vale à dì, a sera mentr’elli sò inattivi i pannelli fottovoltaichi . Stu dispusitivu pruduce dinù calore chì pò esse ammansatu pè altri usi varii.

 

Raccurdata à a rete EDF da u 2012, a centrale pruduce in elettricità, l’equivalente di a cunsumazione di 200 fuculari. L’attività di ricerca anu permessu di sviluppà un sistema di cuntrollu-cumanda chì permette di fà funziunà ogni ecchippamentu imaginatu da i nostri circatori.

Per via di a so dimensione è di a so integrazione à a rete eletrica d’un territoriu, i prugrammi MYRTE è PAGLIA ORBA, stabiliti nantu à u situ di l’Università di Corsica-CNRS facenu parte di i pochi impianti ind’è u mondu chì sianu in misura di studià in cundizione reale l’accuppiera energie rinnuvellabile/ammansera.

LA PLATEFORME EN PHOTOS
vignola

Plateformes MYRTE et PAGLIA ORBA

myrte (14)

Plateforme MYRTE

myrte (13)

Plateforme MYRTE

myrte (12)

Plateforme MYRTE

myrte (8)

Plateforme MYRTE

myrte (9)

Plateforme MYRTE

myrte (3)

Plateforme MYRTE

myrte (1)

Plateforme MYRTE

myrte (2)

Plateforme MYRTE

test

A PIATTAFORMA IN VIDEO

Un filmu d’animazione pè capì a piattaforma MYRTE

U filmu « Du soleil en bouteilles » hè statu realizatu in u quatru di u prugettu di diffusione di a Cultura Scentifica Tecnica è Industriale di a piattaforma di Ricerche & Sviluppu dedicata à l’Energie Rinnuvellabile, dopu à a chjama à prugettu lampata di modu simultaneu da a delegazione Regiunale à a Ricerca è à a Tecnulugia è da a Cullettività Territuriale di Corsica, pè a diffusione di a cultura scentifica è industriale in Corsica.

Pruduce energia sulare… durente un’ eclisse di sole !

U 20 di marzu di u 2015, a piattaforma MYRTE hà messu in ballu una sperimentazione originale : pruduce energia sulare durente un’ eclisse di sole! Cume anu reagitu i varii cumpunenti di sta piattaforma durente st’eclisse di sole ? Hè stata custente l’energia prudutta ? Risposte è spiegazione in video.

Capenergies

Qualificatu da u centru di cumpetitività CAPENERGIES

U Laburatoriu CNRS / Università di Corsica « Scenze per l’Ambiu » (Prugettu strutturente Energie Rinnuvellabile-Prugrammi MYRTE/PAGLIA ORBA) hè membru di u gruppamentu di ricerca internaziunale “Sinergie” (CNRS / Nanyang Technological University) chì u scopu hè di favurizà a cuuperazione scentifica franco-singapuriana in u duminiu di e risolse rinnuvellabile d’energia (pruduzione, ammansera di l’energia, rete eletriche intelligente, etc.).

Pà ciò chì tocca à

Plateforme MYRTE
Mission hYdrogène pour l'inTégration au réseau Electrique

myrte.universita.corsica

Laburatoriu Scenze Per l’Ambiu
(CNRS / Università di Corsica)

RISPUNSEVULI

Paul-Antoine BISGAMBIGLIA
Dirittori di u Laburatoriu SPE

Christian CRISTOFARI
Rispunsevuli di u prughjettu strutturanti Energie rinnuvellabile
myrte@universita.corsica

universitedecorse
Areva
cnrs
CEA

Incù u sustegnu finanziariu di :

ctc
europe
République française