PAGLIA ORBA

Piattaforma di ricerca in energetica

A micro-rete eletrica intelligente.

In senu à u Centru di studii Scentificu Georges Peri di Vignola, vicinu à Aiacciu, a Piattaforma PAGLIA ORBA hè a seguita diretta di u travagliu fattu da a Piattaforma MYRTE.

E ricerche realizate nantu à a Piattaforma PAGLIA ORBA, purtate da l’Università di Corsica, u CNRS è u CEA, anu cum’è scopu u studiu di l’ibridazione di de varie forme d’ ammansera d’energia è l’ottimisazione di a sparghjera di l’elettricità à parte si d’energie rinnuvellabile, à traversu una micro-rete eletrica intelligente.

Una micro-rete eletrica intelligente hè una rete capace à pruduce è à stuccà energia eletrica, assicurentu in listessu tempu u cunsumu di l’utilizatori.

PAGLIA ORBA hè una micro-rete ripresentativa d’un quartieru, capace à alimentà in elettricità i casali presenti nantu à u situ (scagni è alloghji) è i veiculi eletrichi.

Sò à e prove dui modi di funziunamentu :

– Un modu in auto cunsumu di l’energia prudutta, è iniezzione di u soprapiù eletricu in a rete EDF ;

– Un modu in autunumia energetica : isulendu si da a rete EDF, permettendu un’autunumia di 24 ore di pettu à a rete EDF.

Per via di a so dimensione è di a so integrazione à a rete eletrica d’un territoriu, i prugrammi MYRTE è PAGLIA ORBA, stabiliti nantu à u situ di l’Università di Corsica-CNRS facenu parte di i pochi impianti ind’è u mondu chì sianu in misura di studià in cundizione reale l’accuppiera energie rinnuvellabile / ammansera.

Plateforme PAGLIA ORBA
Preview image
Capenergies

Qualificatu da u centru di cumpetitività CAPENERGIES

U Laburatoriu CNRS / Università di Corsica « Scenze per l’Ambiu » (Prugettu strutturente Energie Rinnuvellabile-Prugrammi MYRTE/PAGLIA ORBA) hè membru di u gruppamentu di ricerca internaziunale “Sinergie” (CNRS / Nanyang Technological University) chì u scopu hè di favurizà a cuuperazione scentifica franco-singapuriana in u duminiu di e risolse rinnuvellabile d’energia (pruduzione, ammansera di l’energia, rete eletriche intelligente, etc.).

Pà ciò chì tocca à

Plateforme PAGLIA ORBA
Plateforme Avancée de Gestion éLectrique Insultaire Associant stOckage et énergies Renouvelables - oBjectif Autonomie

paglia-orba.universita.corsica

Laburatoriu Scenze per l’Ambiu (CNRS / Università di Corsica)

RISPUNSEVULE

Paul-Antoine BISGAMBIGLIA
Dirittori di u Laburatoriu SPE

Christian CRISTOFARI
Rispunsevuli di u prughjettu strutturanti Energie rinnuvellabile
myrte@universita.corsica

universitedecorse
cnrs
CEA

Incù u sustegnu finanziariu di :

ctc
europe
République française