Piattaforma cartografica nantu à a Corsica.
Cù a piattaforma LOCUS, u laburatoriu Lochi, Identità, Sapzii è Attività (CNRS-Università di Corsica) offre un arnese numericu chì permette di piglià cunniscenza di i dati georiferenzati sottu à a forma di carte, metadati è appiicazione geografiche faciule d’usu. A ricchezza, a qualità è a credibilità di sta basa di dati sò guarantite da a spertizia è i travagli purtati da i circatori di l’Università di Corsica, è da partenariati messi in ballu cù attori di riferenza: IGN, INSEE, GIRTEC, CTC, DGFiP, DREAL Corsu.
A piattaforma cartografica LOCUS hè una fonte obligatoria pè purtà ricerche è piglià cunniscenza di i dati georiferenzati nantu à a Corsica. L’eletti, i membri d’una cullettività, camera di cummerciu, camera di i mistieri, offiziu di turisimu o associu, ci trovanu particularmente travagli di ricerca è cartugrafie tematiche in sintunia cù i so studii, analisi è prugetti. A sucetà civile ci pò dinù scopre un spettru largu d’infurmazione georiferenzate nantu à l’occupazione umane di u territoriu isulanu in u tempu.
