Mediateca culturale di a Corsica è di i Corsi

Opere di literatura corsa

Cù u scopu ch’ella si dà di mantene cù u numericu a memoria di u patrimoniu è di a cultura isulane, a M3C face l’acquistu di diritti d’autori pè i scrittori più significanti di lingua è di literatura corse.

Trà l’autori presenti : Ghjacumu Thiers, Marcu Biancarelli, Pierre-Dominique Sammarcelli, Rinatu Coti, Dumenicu Tognotti, Guy Cimino…

Ritratti di u Sporting Club di Bastia, a pesca isulana…

Trà i fondi pruposti, si po ammintà quellu custituitu in giru à u fotografu è cullezziunore Louis Amadori chì pussede 5 milioni di ritratti !

I so ritratti sò u spechju d’un’epica : Si ponu truvà ritratti di u Sporting Club di Bastia (Coppa di l’UEFA 1978, Coppa di Francia 1981…), di a catastrofa di Furiani in u 1992, nantu à a pratica di a pesca o puru parechji ritratti di a cità di Bastia.

Testimugnanze è manifestazione audiovisive di a sucetà isulana

A bibliuteca familiale di i Flori si tene un numeru impurtente di libri, periodichi, ritratti è ducumenti audiovisii inediti chì sò a testimugnanza di u sviluppu suciale di l’isula da l’anni 30 à u 90. A salvezza numerica realizata da a M3C prutege sta testimugnanza rara chì ammenta un tempu di a Corsica. Mancavanu isse maghjine è issi filmi, evucazione di manifestazione parechje di a sucetà isulana.

Altre cullezzione sò dinù à dispusizione…

• Libri di l’UMR CNRS 6240 LISA Università di Corsica
• Puntelli per l’Antulugia Nova di a Literatura Corsa, Manuscriti è opere anziani, Rivista literaria Bonanova
• Inventariu preliminariu di u patrimoniu custruitu di a Corsica
• Bunifazi, Lavezzi, isuli pasciali : e piante endemiche di Corsica / Fondu Marcel Tournayre
• U stagnu d’Urbinu et a so microregione à i XIXu è XXu seculi / Fondu Luc Bronzini de Caraffa
• Fondu sonoru (cultura orale, usi, fole, tradizione, legende) et video (seminarii, cunferenze, éminaires, workshop…)
• A religiosità pupulare, Cunfraterne Bunifazinche : Vesperi di i Santi, Uffiziu di i morti
• Architettura religiosa medievale di a valle di u Golu

Archivii di l’INA : Media è mubilisazione in Corsica da 1945 à l’oghje

St’affrescu video prupone più di 80 riporti stratti da l’archivii di l’audiovisivu piblicu di l’INA. Sti filmetti sò presentati di modu cronologicu è organnizati secondu fucale cum’è « prublematiche culturale è suciale ». E maghjine ùn sò neutre, ci tocca à prupone le à a lettura, à rimette le in ballu da esse ricevute da tutt’ognunu è di sicuru à analizà e quistione di primura chì toccanu à l’azzione cullettiva è à u spaziu publicu.

Un seculu di fiure di a Corsica è di i Corsi cù i manuali di scola da u 1833 à 1938

U travagliu di ricerca purtatu da l’ipottesi chì a scola publica francese hà vulsutu tramandà una forma d’identità naziunale, arrimbata spessu nantu à un’ identità lucale in un cuncettu patrimuniale di a nazione. L’obbiettivu era di mette st’ipottesi à e prove d’una tipulugia di e ripresentazione tramandate da i manuali sculari di u XIXu à u XXIu seculu di pettu à a Corsica.

Webdocumentariu : L’archeositu preistoricu sperimentale

Realizatu da u centru d’archeulugia di l’Università di Corsica, stu webdocumentariu s’arrimba nantu à a ricustituzione sperimentale di duie strutture d’abitati chì appartenenu à u Neuliticu Cdi Corsica. Stu travagliu nuvatore hà da permette di ritrascrive i dati scentifichi stratti da i scavi d’un situ archeologicu di riferenza pè u neoliticu isulanu. Si tratta di un cantieru osservatoriu pè u studiu di st’abitati in u tempu.

Trà l’altri percorsi tematichi pruposti…

• Joseph-Antoine Canasi : un collezziunore è a so passione pè a Corsica (archivii da u 1825 à u 1940)
• U stagnu d’Urbinu è a so microregione à i XIXu è XXu seculi (Fondu Luc Bronzini de Caraffa)
• Bunifazi, Lavezzi, isuli pasciali : e piante endemiche di Corsica (Fondu Marcel Tournayre)
• A pesca isulana in maghjine ; Sporting club di Bastia ; Bastia è a so regione (Fondu Louis Amadori)
• Testimugnanze è manifestazione audiovisive di a sucetà isulana (Fondu Ange-François Flori)
• Pruduzione puetiche è rumanzesche (Fondu Bartulumeu Dolovici)

Inventariu preliminariu di u patrimoniu custruitu di Corsica

Issa mostra di 62 pannelli ripresenta i risultati di l’inventariu preliminariu di u patrimoniu custruitu di Corsica nantu à a basa di micro-regione di Corsica, realizatu da u laburatoriu Lochi, identità, Spazii è Attività (CNRS / Università di Corsica). Si trovanu ind’è st’inventariu ritratti parechji di case corse è di l’architettura agricula ma dinù un schjariscimentu di pettu à un patrimoniu variu assai.

U Piazzile di i Tuvarelli : Sguardu nantu à un paisolu pasturescu tradiziunale di a valle di u Fangu

Issa mostra hè stata realizata da l’Università di Corsica è u laburatoriu Lochi, Identità, Spazii è Attività (CNRS / Università di Corsica). Permette di purtà un sguardu archeologicu è etnologicu nantu à un paisolu pasturescu tradiziunale (fine XIXu, principiu XXu) di a valle di u Fangu in Corsica: U Piazzile di i Tuvarelli.

30 anni di storia di l’Università di Corsica

30 anni dopu à a so riapertura, issa mostra volta nantu à a storia di l’Università di Corsica. Aperta durente unepochi d’anni in u XVIIIu seculu sottu à Paoli, rinasce in u 1981 dopu à parechji anni di mubilisazione pupulare. Si volta nantu à u slanciu cullettivu chì hà permessu a so riapertura, a so evuluzione, e so perspettive è a so relazione à e quistione pulitiche è sucetale di a Corsica.

Trà l’altre mostre :

• Pasquale Paoli è a furmazione di u Fiore Corsu à u XVIIIu seculu
• Studiu iconologicu, iconograficu & plasticu di e nichje da votu in e cità di Genuva è di Bastia à l’epuca muderna è cuntempuranea
• Golu, Tavignani è zone circundaghje (archeulugia)